مامووسا بێهرووز یاسمی
شاعر، ڕخنەگر و توێژەر ناسیاگ ئەدەبیات کوردی و فارسی
لە ساڵ ٢٦٦٩ (١٩٦٩) لە وڵات ئیلام و لە دڵ زاگرۆس وە دی هاتێیە؛ جیێگ ک زوان داڵگیێ، کوردی کەڵهوڕی، یەکم شێعر و یەکم مووسیقیێ ژیانێ بۊ. کاک بێهرووز هە لە میرمناڵییەو وەرەو لای شێعر کیشایگ و یەکم شێعرەیلێ لەو سەردەمە ئەڵوەسییە.
لە دۊای دەبیرستان، کاک بێهرووز چووگە زانکووی چەمران ئەهواز و لە ڕشتەی دامپزشکی دوکتۆرا وەرگرێ. وەلێ دنیای زانست نەتۊەنسێیە لە شێعر و ئەدەبیات جیایەوە بکەیگ و فرەتر وەرەو لای ئەدەبیات کیشیاگ.
شێعرەیل مامووسا بێهرووز تێکەڵێگە لە پەژارەی زاگرۆس و ڕەنج کوردستان؛ زوان سادە و خوەمانی، وەلێ پڕ لە زامەیل کۊەنەی کوردانە. کاک بێهرووز لە غەزەڵ و شێعر نوویش دەسێگ دێرێدن و بەرهەمەیلێگ جوور «هە ئەو گونای هەمیشە» و «عاشقی تاوان ڕەنگینێگە» وە زوان فارسی خەڵق کردێیە.
کاک بێهرووز لە ڕێ شێعرەیلێیەو، هەمیشە باس لە گیچەڵەیل شێعر ئەڵوەسین وە زوان داڵگی و کوردبۊن کردێیە و لەی ڕێیە هەزینەیل فرەیگ دایە؛ هە ئەی نووڕستن فەرهەنگی و ئازادیخوازانەیەسە کە لە شاعرەیل ترەک جیایەو کردێیە.
لە ساڵەیل ویەردە، کاک بێهرووز شێعرەیلێگ لە پشتیوانی لە مەردم و ڕخنەگرتن لە وەز ژیان مەردم وە تایبەت کوردەیل ئەڵوەسییە کە بۊە مدوو یەگ فشارەیل فرەیگ لە ملێ درس بووگ. کاک بێهرووز جوور یەکێگ لە شاعرەیل ئازادیخواز کوردستان و ئیلام ناسیاگە و لەی ڕێیە دریژە وە خەباتێ دەیگ.
