بەڕڕسی وەکاربردن زوانەیل کوردی و فارسی لە کرماشان
ئەی مەقاڵە لە ناو ٣٨٤ کەس لە نیشتەجییەیل شار کرماشان ئەنجام بۊە و ئوڵگوو وەکاربردن دو زوان کوردی و فارسی بەڕڕسی کردێیە. ئاکام ئەی توێژینەوە نیشان داس ک لە گشت حەوزەیل کوومەڵایەتی جوور بنەماڵە، ڕفاقەت، هاوسایل، بازرگانی، ئامووزش و ئدارە، زوانفارسیخوەیزاڵکردێیەسەملزوانکوردییا.
ئەی مەقاڵەی لە ڕواڵەت توێژینەوەی زوانناسانەیگە، وەلێ لە واقع بەڵگە و سەنەدێگە ئڕا نیشان داین داگیرکەریزوانیدەوڵەت–نەتەوەیئیران دژ وە نەتەوەی کورد. دەیتایل ئاماری ئەی مەقاڵە نیشان دەن لە حەوزەی بنەماڵەیش، ک زوان داڵگی بایەد ئەسڵیترین جی داشتوو، زوان فارسی دێرێ زاڵ بووگ و خی زوان کوردی گرێ. ئەی مەسەلە بەرهەم فشارەیل سیاسی و فەرهەنگی ناوەندگەرایانەی ئێرانییەیلە نە ئەڵوژانن ئازادانەی مەردم کرماشان.
نۊسەرەیل ئەی مەقاڵە وە زوانێگ بێلایەن و ئاکادمیکەو وتنە کە ئەی مەسەڵەی فرە تیەڵە «ئاسایی» و تەبیعییە، بێ ئەوەی ک سەرچەوەیل و ڕیشەیل سیاسی ئەی مەسەلە باس بکەن. وەلی ڕووشن و دیارە ک فارسیمحوەریئاکامسەرکوتسیستماتیکە: نەبۊن ئامووزش وە زوان داڵگی و بڤە و قەیەغە کردنێ، ئەوسڕینێ لە ڕەسانەیل داسەپانن زوان فارسی لە گشت حەوزەیل ژیان مەردم. لەیری دی بێلایەن بۊن عڵمی وە مانای چەوبەسین و پەیوەندی دەسڵات و ئەوزینەکردن داگیرکەرییە.
دەرەنجامەیل ئەی ڕەوشتە فەقەت زوانی نیین، بەڵکوو هویەتی و نەتەوەییشە. چین جوان کورد لە شار کرماشان ک وە پێ ئەی توێژینەوە ڕووژ وە ڕووژ فرەتر وەرەو فارسی قسەکردن چن، لە میرات ئەدەبی و فەرهەنگی و مێژوویی خوەیان دۊرەو بوون و کەم کەم پەیوەندییان وەل نەتەوەبۊنێیان سس ترەو بوود. یەیشە هەمان ئامانج پرۆژەی ئاسمیلاسیون و نەتەوەسازی ئێرانییە: بەرهەمهاوردن نەسڵیگ ک کورد بوون وەلێ لو شوناس کوردی دۊرەو کەفتۊن و لە ئاکامیش گووش وە فەرمان ناوەند-فارس بوون.
